第十五章（下）波系圆嘅
我手机突然闪起noti，嚟自Benjie嘅讯息划破漆黑嘅萤幕。
应承咗佢今日同佢一齐睇Softball嘅我，其实呢刻好想放飞机，但系一早应承咗，又唔知搵咩理由同佢讲好。我专心返喺lecture度，疯狂嘅代数同希腊字母令我完全唔想摆任何心机落去，座枱上面嘅电脑萤幕已经一早消散去唔知边个网站，而上堂用嘅PowerPoint，就一早已经收埋咗。缺乏氧气嘅讲堂令人昏昏欲睡，机械式咁演讲嘅讲师更加系无补於事。
「Sht here, you see eurrrrr, the graph, the risk fun is emmm, upward bending. Upward bending curve. So it emmm, actually means the eurrrr, the risk appetite is?」
一片寂静。根本无人听紧书。我发现咗正常大陆嚟嘅教授都嘅口音都非常浓郁，但呢个带眼镜嘅肥自翎於自己系美国人，有一把好扮嘢嘅美国口音，反而令我更唔适应。
「So here we look at the ahhh, expected utility of this person, and acc to the emmm, utility theory, when we face um, we facertainty, we would prefer the, the em, the certainty oute...」
我望咗一下个钟，比起上一次望，先至过咗两分钟。
好艰难先至过咗半个钟，我离开KKLeung沉闷嘅绿色讲堂，去到东闸门口。呢排嘅日落明显地迟咗，好似而家都已经六点几，但太阳都仲未落哂。的士门口打开，
「沙湾径唔该」
「好！」司机大哥一拉波棍，就直上薄扶林道。作为来往南区嘅两条路之一，繁忙时段嘅薄扶林道都系逃避唔开超载嘅命运。我坐喺开吓停吓嘅车，望住泛红嘅天空，就好似我哋追住即将沉没嘅嘅太阳咁，但系地球自转嘅时速大约系每小时1666公里，而我哋坐喺塞喺公路上面嘅的士，每分钟只行15米。
我哋到达运动场嘅时候，天空已经完全黑哂，白炽嘅射灯已经开咗，人都开始越嚟越多。就咁企喺场边嘅观众，好自然咁让位俾我同Benjie企喺头排，睇嚟大仙都系有啲着数。两间都系男Hall，在场睇波嘅人仕都似乎无咩女仔，睾酮充斥住成个运动场。
Photo 已经拎哂机出嚟，准备好映低赛事Jing华，但唔知有边个会睇。换好衫嘅球员就咁企喺球场侧边，讨论紧唔知乜嘢。好大个冧巴23号喺个背脊上面，我一眼就捕捉到Thomas嘅背影。
「今场tough啊」Benjie喺我侧边讲。
「我地都唔会赢?啦？」
「好难讲。」
Thomas向我哋下巴一抬打个招呼。Benjie行开同其他人倾吓计，我就企喺一边。从来好少睇波嘅我其实咩都唔识，连垒球嘅基本规则都唔识。
「今场好似好多人嚟睇喎」隔离嘅细仙撩我倾计，
「系咩」
「平时连呢度四分一都无。睇嚟大家都系知今次我哋有机，先至嚟睇」虽然我哋都只不过得十几个人，但喺唔重视比赛嘅舍堂入面，已经算好多。
「真系咩？」
「系啊，23号嗰个Thomas Law，皇牌pitcher」
「我都听过啊，呢度一半人都系嚟睇佢第一场?」另外一个同年又搭嗲。
「我都系听到佢打我先嚟睇?」我都直认不讳。啲球员开始跑嚟跑去，Thomas专注嘅侧面喺我面前掠过，佢拍过队友伸出嚟手掌，交换咗一个互相支持嘅笑容。身边嘅人开始嗌自己舍堂嘅名，好似大声啲就会传送多啲能量俾球员咁。球员喺自己嘅位置准备好，白色嘅紧身裤布满泥泞嘅痕迹，下盘座低喺随时接波嘅姿势，戴好手套同头盔，所有人都望住球证，等待佢嘅指令。
「咇—」
几下欢呼打气声之後，球证一吹哨，比赛正式开始。
我哋投出第一球，企喺垒上面嘅球员利落咁接住，球证举起我睇唔明嘅手势，群众发出吵闹嘅声音，我连我哋做得好唔差都唔知，我望住拍紧手，但面色凝重嘅Benjie，都唔好意思问佢。
对方嘅球员仍然未挥捧，任由球飞向我哋嘅球员。另一球又飞过，球证举起另一个手势。我未系好明发生咩事，但系我哋呢边突然爆起热烈嘅欢呼声。
「ok orike」我隔离嘅细仙激动咁数住。
Benjie睇到我一头雾水，就望咗我一眼，问我
「你系咪睇唔明？」
我嘻笑咁点点头，佢