第十五章（上） 波系圆嘅
「嚟啦，由头嚟次」排舞师好热情咁指导我哋嘅动作，我企喺另一个同我差唔多高嘅男仔隔离，努力咁记住自己要做嘅嘢。
左右左、右左右，drop，撑起，hold，之後?
之後系咩呢?
Anton喺我前面，帮我调整我嘅姿势。因为我哋Hall无女仔嘅关系，所以搵咗隔离嘅宿舍联合一齐表演。隔离嘅女仔喺度练紧啲好性感嘅动作，令到我哋呢边啲男仔都眼定定咁望着哂。唉，直仔真系?
「好！男仔！五、六、七、八」排舞师响亮嘅拍手声配合住流行曲嘅拍子，七个男仔同埋我几乎系半跳半跑咁去到女仔隔离，然後展开紧密接触嘅舞蹈。我捉紧个隔离女仔嘅手，拉紧，然後搭去佢条腰度。一般直仔应该非常之开心於同女仔有呢啲身体接触，但我只系觉得非常地尴尬。
其实大家都知道，每年嘅mass dance，根本就唔系睇啲人有几劲，而系俾啲人一年一度地showoff自己。好似唔知边年起，就点都会有一间hall会有人除衫，或者男女之间有啲过度亲密嘅碰撞，引起全场哄动。而有一两间hall真系跳艺术或者现代舞嘅，就通常都无咩人俾屎。不过我都无咩资格评论，因为我都只不过系每年去儫仔嘅肤浅人仕，只不过系视觉享受先行嘅原始动物。
「喂，Benjie，个样欢容啲，唔好咁」排舞师成日讲求嘅表情管理，我又再fail咗，但呢一刻我只系谂住点样先可以摆动先会唔好俾我嘅胯下部分掂到佢嘅patpat。
排咗两个钟嘅我哋，都只不过仲学紧第二首歌。都已经筋疲力竭，大汗搭细汗嘅我，已经一早好想放弃。
「喂，嗱，好重要一样嘢。」Anton临散之前留低我哋一班男仔，「咁最尾嗰part呢，就应该系同班女仔pair up啦，然後就应该散净三pair，然後就女仔嘅，会扯开男仔件衫，跟住就pose?」我哋大家都用啲玄妙嘅目光望住大家。「嗱，我就唔会逼大家嘅，自己认头，三个人，边个想跳呢part？」
「最大只嗰几个啦」「我唔跳?」「Michael啦」「咁Alex都要啦」「Wow男神」「Benjie啦大仙」
无啦啦又俾人笃出嚟嘅我，已经谂住拒绝。话哂我都最後一年，无谓而家先嚟搞呢啲嘢啦。但喺我拒绝之前，Anton已经闸住咗我。
「好，咁就Michael、Alex同Benjie」
另外两个大男人毫无顾忌就安然接受咗，而我都唔好意思再讲啲咩。
唉。
「好啦」
唉。我摸一摸自己嘅日久失修嘅肚腩仔，似乎系时候要Cao返好个状态。
“Yo, I reli o get back to shape.”
“Hit the gym tmr?”
“Ho”
「喂，好起身啦喎」Thomas嘅声音模糊咗现实同梦境嘅界线。
「唔?做咩呀」仲未训醒嘅我乾涩到空气都会刺痛双眼，我反转个身，想要掩盖日光嘅召唤。
「起身啦」
「几点啊？」
「七点啦，再唔郁就迟啦」
「咩啊？我无上昼堂喎」
「做gym啊」
「吓？唔系今晚咩」
「夜晚咁多人，朝早啱?啦。」
「唔做啦?」
「喂，你无啲determinatio in shape啊？你得返两个月?咋」Thomas拍吓我个肚，我下意识一缩，唔想俾佢掂到我嘅m wood。
一谂起要喺Happy park所有人面前展露我嘅肚腩仔，就算极之唔情愿，我都起咗身。
当我洗完面擦完牙出嚟之後，Thomas已经换好衫裤喺我面前。
「拉筋」
我单手拉起右脚，「要跑?我哋？」
「阵间你咪知罗」
拎起水樽，八达通同学生证，我同佢就出咗hall门口。经过大堂嘅时候，连楼下卿姐都问我一句，「咁早啊你，好少可喎」
喺薄扶林道同马路旁边，早上返工嘅车龙仲未出现，但将近繁忙嘅气息已经接近。
「跑啦喎」
「跑去边啊？」
「Stanley Ho罗」
「吓？我哋唔系Flora Ho做咩？」
「Stanley Ho舒服啲」
「咁都唔使跑过去?？咁远」
「啱?啦，啱啱好半个钟cardio」
我有少少後悔，叫咗前面呢个人帮我train。未等我吸埋最後一口气，佢已经起咗步。我都快步开始，波鞋刮喺碎石屎嘅地面，发出沙沙声。我望住仲未系好蓝嘅天空，晨曦嘅阳光仲未算系顽劣，春天chaoshi嘅空气同飘逸喺大气之中嘅花粉都好令