反转手机，露出佢写咗歌词嘅手机壳，原木上面刻咗俗套地鼓励人追梦嘅歌词，但喺呢刻又好似几应境。
活着就无悔地 做个你爱的你
突然之间，佢放低筷子，捉住我手臂，同我讲
「嗱，不如我哋约定，十年之後，如果你做到family lawyer ，我就储五十万开性玩具店！」
「五十万喎，你咁大使，边储到啊？同埋，五十万够唔够开架？」
「咁?你到时入股我间公司，我咪够罗！」
「你真系开到先算啦。」
「约实?啦！」佢既讲笑又认真咁，唔知十年之後，佢仲会唔会记得呢段对话呢？
临近mid term嘅大家都仍然留守智华，唔想继续造纸嘅我又睇咗十版readings，但都仲未去到份嘢嘅十分之一。Benjie开始咗做一阵嘢，然後又开始?手机。不断收到notifications嘅佢，好似倾得好开心咁。
十点半过後嘅人开始离开，而讲嘢嘅声音都好似越嚟越大，毕竟大家都系大学生，星期五晚，又点会无节目。而我身边嘅人，都开始露出本性。「喂，」佢突然哄个头埋嚟，「今晚落唔落铜锣湾？」
「我听朝仲要早起啊，同埋我拎住咁多嘢。」
「得啦，饮两杯啫，好快，最多俾你摆啲嘢喺我hall度啦。」
「唔?」佢都唔等我拒绝，又继续说我，
「我约咗个新朋友仔啊！你都唔想我单拖去玩咁危险?？万一俾人溶咗点算喎。」
「你溶人就有份！」
「嚟啦，好靓仔?佢。陪我去啦！」
「唉好啦。」我知道我推极佢都会继续扯我去，於是我都系屈服咗。而且，我都想睇吓Benjie嘅朋友仔究竟有几靓仔。
一程23号巴士喺鹅颈桥出面摆低我哋，我哋行过收咗嘅打小人摊档，去到时代广场嘅後面。排起咗少少人龙嘅大厦出面，Benjie嘅朋友已经等紧我哋。
「呢个系Gabriel。」客套嘅介绍，认识咗呢个男仔，佢嚟自新加坡，已经读完大学，住喺九龙湾，呢啲咁基本嘅资料。佢双眼好似有啲憔悴，加埋突出嘅颧骨令佢好有一种颓废感，但又好衬佢修长嘅身型。佢嘅广东话水平停留喺识听唔识讲嘅地步，但系佢嘅Singlish我都要少少时间理解。
「你同Benjie点识?？」
「我同佢?有一次Group Fun嘅时候识嘅，哈哈。」虽然我应该要觉行意外，但唔知点解Benjie口中咁讲，都好似几合理。
「真心咩？」坡仔点点头，承认咗佢都系轻狂嘅少年。
再次行入熟悉嘅酒吧，几个星期无嚟但系好似一切都仲系差唔多，都系咁挤逼，音乐都系嗰几首，人都系啲面孔。
每次一入到嚟，Benjie都会自动自觉灌自己饮酒，连带令到我哋都饮得好快。佢又拎一round新嘅就vodka lime俾我哋。几十蚊一杯嘅酒，酒精浓度都非常有限，所有驱使过度亲密嘅行为，其实只不过系大脑抑制己久嘅慾望。
我同坡仔都好快进入状态，但喺人群之中手脚根本难以郁动。我嘅背脊紧贴住吧台，而不断来往嘅人系咁推撞坡仔。我将佢向我拉近，突然之间缩短嘅距离令我哋尴尬咗半秒，缺乏话题嘅我寻找Benjie求救，点知佢已经喺隔我三个人嘅距离同Marcus好大声咁倾紧计。
「又系你啊陈生？」「喂，几个星期唔见影，去咗边先？」
有啲人表面上面好似好熟络，但其实一离开呢栋大厦，大家又再不相往来。
「You studying now？」我面前嘅坡仔问我，口音有少少新加坡味嘅浊钝。
「Yeah！」同喇叭闹大声只系不自量力嘅表现，所以唯有将回应缩到最短。
佢双手搭喺我膊头上面，唔知几时除咗件褛嘅佢净系一件黑色T恤，包住佢厚实嘅手臂，果然当过兵嘅男仔，身材都有返咁上下。两杯过後，身体开始有啲亲密啲接触。
我轻轻靠近佢嘅身驱，佢嘅手掌搭喺我嘅背脊上面，牛仔裤嘅缝线互相摩擦。我将头慢慢摆上佢嘅膊头上面，喺佢嘅颈上面闻到佢独特嘅气味，我将嘴唇移近佢嘅皮肤，轻轻擦过，想感受佢大动脉嘅跳动。
佢嘴唇嘅贴上嚟嘅时候同我想像嘅一模一样，我眯埋眼睛，开始唔理周围嘅一切人潮。我由嘴唇一直探索，腮骨，喉核，耳廓，锁骨。佢喺我嘅颈度停留咗几秒，过咗一阵我先知佢做紧咩。
「喂喂喂，唔好唔好?」我将佢推开，但佢嘅嘴唇仍然停留喺颈上面。佢终於拉开嘅时候我已经觉得太迟，但我睇唔到自己，唔知佢留低咗啲咩。
我拉开呼吸一口混浊嘅空气，见到脚步飘浮咁行紧埋嚟嘅Benjie。
「哗咁大笪咖哩鸡嘅！」
「唉屌，真系咩？」我下意识遮住仲有少少湿嘅皮肤，想行去厕所睇吓。
「嗱，我