8.2
Thomas见到我咁紧张，即刻追出嚟问咩事，我边行边讲「凭乜野你会觉得我紧张？」「你每次紧张先会换呢副眼镜」Thomas回应。我停低咗脚步，谂一谂Thomas讲嘅嘢，呢一刻我先意识到Thomas发现连我自己都冇留意嘅小动作。Thomas低头细声讲「relax，无论发生咩事我都会响你身边。」呢个时候Brendon亦都行咗出嚟，之後Thomas回复正常声线问「黑崎系？」我望住Brendon讲「三井住友银行执行董事二公子，人脉好广，HBS（Harvard Business School)毕业，响东京本部做咗八年，同我同post，即系你哋上司。」我瞄一瞄Brendon讲「佢细个跟爸爸relocate，响香港住过两年，好似识听啲啲广东话，希望你之前冇讲过或者做过任何失礼嘅事，以佢嘅权势要搞你，我唔觉得我可以保住你?」Brendon静咗一静，我以爲佢终於识得惊，点知佢即刻回应「你担心我？你宜家系咪表白先，我唔介意三人行嫁喎，我?」佢未讲完我就同Thomas行咗去。
响meeting room门口我问Thomas「齐人未？」佢点点头示意。我扮晒寛容咁打开房门，笑笑口咁同东京团队打招呼，黑崎亦转身行过嚟同我握手，佢哋一行六人逐个交换卡片。Brendon一贯嘻皮笑脸细细声咁讲「寿司国嘅国民都几好笑嫁喎，明明自己公司都要交换卡片。」我睥一睥佢即刻收声。坐低之後我示意Kris做翻译，呀Kris一脸唔心甘情愿咁讲「明明自己识听又要咁麻烦，再唔系讲英文都得啦?」Thomas用一号微笑望住佢，佢即刻收声。我客套咁用广东话介绍，呀Kris亦即时翻译「好耐冇见喇，黑崎道明先生，创下一年拿下三个日本百货公司合约嘅佳绩，两年内帮期下百货公司转亏为盈，东京分部最年轻部长，最有前途嘅明日之星。」黑崎用日文回应「大家咁话，Keh君（君有贬低嘅意味）一年内劝退咗东京分部五个冇生产力嘅垃圾部门，为公司Jing简架构，东京本部长都唔明点解外派职员有咁大威力，作为同期一定要聚一聚旧，哈哈。」Kris翻译到一半望一望我，我示意继续，Brendon笑到收唔到声望住我讲「哈哈，今次你有对手喇！」我气定神闲咁回应「过奬喇，你身边系？」「赤羽，我私人助理。」黑崎回应，「请多多指教」赤羽亦有礼貌咁回应。「我哋家赤羽比较木独，唔似你哋团队咁有个性。」佢望住Brendon串串贡咁讲，「我哋团队比较注重礼节，连西装颜色都有规有矩，不似你哋，睇嚟ken君要管教好同事都花不少心力。」我睥一睥Brendon，佢耷低头细细声讲「呢次濑嘢喇?」我忍咗一嘢，望住人哋team每个人整整齐齐，笔直深蓝色西装配白恤衫，西装领有带公司襟花。回望自己队人，Brendon卡其色西装?Kris花恤衫加花tie?点解系今日呀，e on，你班友唔可以正正常常?咩?
我回应「哈哈，的确，我希望佢哋有自己嘅个性，毕竟年代不同，言归正传，你今次光临香港office嘅原因系？」黑崎即刻回应「基於礼貌上先嚟打过招呼，之後有多合作机会，如果不介意的话今晚希望可以约你哋联宜，加深了解後对之後工作亦会有帮助。抱歉我与你们CEO有会议，先失陪了。」我笑笑口回应「好期待呀，你先忙，今晚见。」打完招呼之後我黑晒面，全team人都进入恐慌状态，我望住佢哋讲「五分钟之後?开会?」